top of page

خدعوك فقالوا ....

خدعوك فقالوا... إن المريض النفسى معناه إن الشخص المريض ده واحد مجنون، فاقد للأهلية بالتعبير الدارج، لكن ايه صحة الكلام ده وهل المرض النفسى معناه الجنون.... أولاً خلينا نتفق ان كلمة الجنون هى كلمة من كتر ما استُهلِكتْ فى غير معناها فقدت معناها الحقيقي، وكمان كلمة الجنون بتعبر عن معانى كتير غير (( فقد الأهلية)) فالإنسان المبدع مثلاً بيتقال عليه مجنون لأنه بيعمل حاجة خارجة عن المألوف والمعتاد، الإنسان اللى بيتصرف بتهور مثلاً من غير ما يفكر كويس بيتقال عليه مجنون... الخ فمعنى كده إن كلمة الجنون مش مقتصرة فقط على المرض النفسى.. طيب لو كان كده اومال المرض النفسى ده إيه.... نقدر نقول إن المرض النفسى بإختصار هو مرض بيكون ناتج عن أسباب كتير بتخلى الشخص متعطل فى حياته بشكل ما مش قادر يشتغل زى الناس، مش قادر يكون علاقات اجتماعية سوية ويحافظ عليها ، نظام نومه واكله بيتغيروا فممكن ياكل وينام كتير أو العكس، حكمه علي الأمور ميكونش مضبوط، انفعالاته تكون مبالغ فيها..... الخ من أعراض ومظاهر بتقول إن الشخص ده عنده خللٍ ما مخلى حياته واقفة ومش ماشية بشكل طبيعى..... ومن هنا فالشخص ده لازم يحتاج لحد يساعده ويرشده ويدله على إزاي يعالج الخلل ده...... فمعنى كده إن المرض النفسى (( بأشكاله المختلفة)) زيه زى المرض العضوى محتاجين اننا نلجأ للمتخصص فيه عشان يساعدنا، لأننا لو معملناش كده فهيترتب على كده ان حياتنا هتقف والعطلة تزيد وهنفضل مكملين حياتنا بالخلل ده وبالتالى الشخص ده هيخسر كتيييير قوي من حياته اللي يستحق انه يعيشها بشكل طبيعى...

#خدعوك_فقالوا محمد الحلو أخصائى نفسى إكلينيكى #فريق #ادراك #للصحة #النفسية #وعلاج #الادمان نرحب باتصالك للحجز المسبق ٩٥ حافظ رمضان من حسن المامون من طريق النصر امام النادي الاهلي مدينة نصر الدور السابع للحجز ت ٠١٢٨٨٠٠٣٥٩٠ ت ٠١٠٩١١٠٩٦١٤ ت٠٢٢٣٥٤٦٤٠٥ طوال اليوم مواعيد العمل من ١٠ ص الي ٥ مساء


١٠٬٠٢٦ مشاهدة٠ تعليق

أحدث منشورات

عرض الكل

Comments


bottom of page